قرار مش سهل ان حد يغير حياته المهنية بعد 26 سنة من الشغل كمهندس في شركة عالمية.
حازم (Zeem) نشأ في بيت كل أهله كانوا بيقدروا الأكل وبيستمتعوا به .. والدته ورثت موهبة الطبخ والنَفَس الحلو في أي أكلة كانت بتعملها حتى ولو كانت بسيطة. من صغره كان يقف يتفرج عليها وهي بتطبخ في حب وسعادة وكانت أجمل لحظاتها مع إحساسها بإن الأكلة الحلوة تكون سبب في ذكرى جميلة، وإن الناس تفتكر أكلاتها دايمًا بسعادة.
حلمها كان تعمل مشروع صغير تطبخ فيه لكل الناس علشان يستمتعوا بالأكل مع أحلى الذكريات. حازم شغفه بالطبخ كان بيزيد يوم بعد يوم لحد ما قدر يحضر وصفاتها, ولكن بلمسته الخاصة. وبعد سنين، وبخطوة جريئة منه ، قرر أنه يغير حياته المهنية ويسيب الوظيفة ويمشي ورا شغفه ويحقق حلم والدته، ويخلي عند كل واحد ذكرى جميلة مع أكلة ممتعة من Zeem.